Marrja e një kredie personale apo hipotekare është një vendim i rëndësishëm financiar që ndikon drejtpërdrejt në të ardhmen tonë. Shumë njerëz e shohin kredinë si diçka negative, por e vërteta është se jo çdo kredi është e keqe. Ky artikull do t’ju japë një këndvështrim më ndryshe për vendimmarrjen rreth kredisë, duke shpjeguar se cilat kredi mund të jenë të dobishme dhe cilat mund të rrezikojnë stabilitetin tuaj financiar.
Jo të gjitha llojet e kredive janë të këqija
Bankat komerciale ofrojnë lloje të ndryshme të kredive: kredi personale, kredi përmes kredit karteles, dhe kredi hipotekare etj. Në parim, kredia ju lejon të përmbushni qëllime që nuk mund t’i arrini menjëherë me kursimet tuaja. Problemi fillon kur ajo përdoret për gjëra jo-thelbësore dhe të shtrenjta.
Borxhi i keq
Një shembull tipik është përdorimi i kartelës së kreditit për blerje konsumi. Nëse nuk e shlyeni çdo muaj, interesat e larta mund ta bëjnë borxhin të pamenaxhueshëm.
Borxhi i mirë
Nga ana tjetër, një kredi hipotekare për blerjen e një shtëpie mund të konsiderohet si investim. Përveç se përmbush nevoja bazë (strehim, siguri, përkatësi), shtëpia mund të rrisë vlerën e saj me kalimin e kohës dhe të bëhet një aset i rëndësishëm për familjen.
Si të mendoni për marrjen e një kredie
Përpara se të merrni një kredi, pyesni veten: për çfarë qëllimi po e marr këtë kredi? A është kjo një nevojë reale apo një dëshirë e momentit? A do të ndikojë kjo kredi pozitivisht në jetën time në afatgjatë? A do të kem mundësi të paguaj detyrimet në 10, 20 apo 30 vitet e ardhshme?
Çdo borxh ka një të përbashkët
Në momentin që merrni kredi, ulni fleksibilitetin tuaj financiar. Jeta është plot me sfida: sëmundje, pandemi, tranzicione në karrierë, emergjenca familjare, dhe një borxh i madh e kufizon aftësinë tuaj për t’u përballur me to. Numri i sfidave të paqëndrueshme që mund të përballoni gjatë gjithë jetës mund të bjerë mrena kufijve të këtyre vijave që duket si ky:
Përfundim
Ky artikull nuk është një përgjigje e prerë nëse duhet apo jo të merrni kredi. Qëllimi është të tregojë se vendimmarrja për kredi nuk duhet të bazohet vetëm te norma e interesit, por edhe tek ndikimi që ajo do të ketë në jetën tuaj afatgjatë. Një kredi e menaxhuar me kujdes mund të jetë një hap drejt përmbushjes së qëllimeve tuaja, ndërsa një kredi e keqpërdorur mund të sjellë pasiguri financiare.